اسلام آباد( ٹی این ایس)کنونشن سینٹر میں بارہ ربیع الاول کی مناسبت سے متعلق تقریب کے انعقاد کا معاملہ ،پی ٹی آئی نے کنونشن سینٹر میں تقریب کے انعقاد کی اجازت کیلئے اسلام آباد ہائی کورٹ سے رجوع کرلیا۔
پی ٹی آئی اسلام آباد کے سیکرٹری جنرل کی جانب سے درخواست دائر کردی گئی ۔
درخواست میں استدعا کی گئی کہ ڈی سی اسلام آباد کو 9 اکتوبر کو کنونشن سینٹر میں تقریب کے انعقاد کیلئے اجازت نامہ جاری کرنے کا حکم دیاجائے۔
درخواست میں وفاق، ڈپٹی کمشنر اسلام آباد ،چیئرمین سی ڈی اے اور آئی جی اسلام آباد کو فریق بنایا گیا ہے۔
