دو لاکھ اماراتیوں کو غیر ملکیوں کی جگہ بھرتی کیا جائے گا،وزیرانسانی وسائل کا اعلان

 
0
377

ابوظبی فروری 18(ٹی این ایس) اماراتی وزارت انسانی وسائل آئندہ ایک سو دن میں 3مختلف شعبوں میں 2لاکھ اماراتی شہریوں کو غیر ملکیوں کی جگہ بھرتی کرے گی۔غیرملکی خبررساں ادارے کے مطابق ابوظبی میں منعقد ہونے والے ورکشاپ میں ادارہ انسانی وسائل کے وزیر ناصر الہاملی نے بتایا کہ ملک میں 12شعبے ایسے ہیں جن میں اماراتی شہریوں کو بھرتی کیا جاسکتا ہے۔ ان میں سے 6شعبے قومی آمدنی میں کلیدی کردار ادا کرتے ہیں۔اس وقت میں ملک میں 3لاکھ شہریوں کے لئے اسامیاں پیدا کی جاسکتی ہیں۔ انہوں نے کہا کہ اماراتی شہریوں کو بھرتی کرنے والے نجی اداروں کو مختلف سہولتیں دی جائیں گی۔ ایسے ادارے لائسنس کے اجراء اور تجدید میں بھی خصوصی رعایت سے فائدہ اٹھائیں گے۔