واشنگٹن مارچ 21(ٹی این ایس)امریکی صدر جہاں سالوں پرانی روایات توڑتے چلے جا رہے ہیں، انہوں نے روسی صدر پیوٹن کو مبارکباد نہ دینے کی بھی ایک اور روایت توڑ دی۔غیرملکی خبررساں ادارے کے مطابق صدر ٹرمپ نے گزشتہ روز وائٹ ہاوس میں خطاب کرتے ہوئے اس بات کی تصدیق کی کہ انہوں نے روسی صدر ولادی میر پیوٹن کو روس کے صدارتی انتخابات میں چوتھی بار صدر منتخب ہونے پر مبارکباد کا پیغام دیا ہے ۔واشنگٹن میں صحافیوں سے گفتگو کرتے ہوئے امریکی صدرنے کہا کہ پیوٹن سے بہت جلد ملاقات ہوگی اور کوریا سمیت اسلحے کی دوڑ پر بھی بات چیت کریں گے ۔