سرگودھا اپریل 28(ٹی این ایس)سرگودھا شہر میں تھانہ سٹی پولیس نے شہر کے وسط گولچوک آزاد روڈ پر آتش بازی کے گودام پر چھاپہ مار کر لاکھوں روپے کا سامان آتش بازی برآمد کر کے 2 بھائیوں کو گرفتار کر کے مقدمہ درج کر لیا۔ملزمان نے یہ سامان شب برات کے لئے سٹاک کر رکھا تھا۔اس چھاپہ میں سیکورٹی برانچ،سپیشل برانچ،پولیس اور ایلیٹ فورس نے حصہ لیا۔پولیس تھانہ سٹی نے چھاپہ کے دوران پکڑا گیا قبضہ میں لے کر موقع پر موجود دو سگے بھائی عبدالرشید،محمد اقبال کو گرفتار کر لیا۔ جن کے خلاف آتش بازی ایکٹ کے تحت مقدمہ درج کر لیا گیا۔ملزمان نے آتش بازی کا سامان شب برات پر فروخت کے لئے اکھٹا کر کے سٹاک کر رکھا تھاکہ مخبری پر پولیس نے چھاپہ مار لیا۔
