پولیو دا خاتمہ ، مہلک بیماریاں توں ٻالاں کوں بچاوݨ اتے غذائیت دی ڳھٹکی دے مسئلے تے قابو پاوݨ حکومت دی پہلی ترجیح اے، وزیراعظم شہباز شریف دی بل گیٹس نال ٹیلی فونک ڳالھ مہاڑ

464

وزیراعظم  محمد شہباز شریف آکھیا جو پولیو دا خاتمہ ، مہلک بیماریاں توں ٻالاں کوں بچاوݨ اتے غذائیت دی ڳھٹکی دے مسئلے تے قابو پاوݨ حکومت دی پہلی ترجیح اے۔ اے ڳالھیں انہاں منگل کوں بل اینڈ ملینڈا گیٹس فائونڈیشن دے شریک چیئرمین بل گیٹس نال ٹیلی فون تے ڳالھ مہاڑ کریندیں ہوئیں آکھی۔ وزیراعظم بل گیٹس نال صحت عامہ اتے سیکٹر پروگرامز بارے معاملیاں تے ڳالھ کیتی۔ وزیراعظم بل اینڈ ملینڈا گیٹس فائونڈیشن دی پاکستان اچ خدمات دی تعریف کریندیں ہوئیں آکھیا جو بل اینڈ ملینڈا گیٹس فائونڈیشن نال رَل تے جاری تعاون کوں ٻیا بہتر اتے نتیجہ خیر ٻݨاوݨ چاہندن۔ انہاں آکھیا جو وسائل اچ ساریاں دی شمولیت کیتے اڄوکی حکومت خصوصی توجہ ݙیندی پی اے۔ بل گیٹس  وزیراعظم شہبازشریف دی  قیادت  اتے پولیو دے خاتمے کیتے پاکستان دی کوششاں دی تعریف کریندیں ہوئیں آکھیا جو پولیو توں ٻالاں کوں بچاوݨ کیتے پاکستان دی مدد جاری رکھیسوں۔ وزیراعظم اتے بل گیٹس غذائیت دی گھٹکی ، سٹنٹڈ گروتھ(نامکمل نشوو نما) ، بیماریاں توں بچاوݨ دی لازمی خدمات ݙیوݨ بارے ڳالھ کیتی۔ ایندے علاوہ مائیکرو پے منٹ گیٹ وے ’’راست ‘‘اتے قومی بچت پروگرام کوں ڈیجیٹل کرݨ بارے معاملیاں تے وی غور کیتا ڳیا