سی پیک ٻہوں اہم منصوبہ اے جیڑھا چین اتے پاکستان وچال ڳھاٹے تعلقات دی علامت اے، وفاقی وزیر برائے منصوبہ بندی، ترقی اتے خصوصی اقدامات پروفیسر احسن اقبال دا سی پیک دی 12ویں جے سی سی دے اجلاس توں خطاب

292

 وفاقی وزیر برائے منصوبہ بندی، ترقی اتے خصوصی اقدامات پروفیسر احسن اقبال آکھیا جو سی پیک ٻہوں اہم منصوبہ اے جیڑھا چین اتے پاکستان وچال ڳھاٹے تعلقات دی علامت اے۔صدر شی جن پنگ اتے اوں ویلھے دے وزیر اعظم پاکستان نواز شریف دی دور اندیش قیادت اچ شروع کیتا ڳیا اے یادگار منوبہ خطے دے معاشی منظر نامے کوں بدلݨ اچ اہم کردار ادا کریندا پے جئیں رابطے کوں ودھائے، تجارت کوں ودھائے اتے سانجھے خوشحالی کیتے نویں راہ کھولین۔ اے ڳالھیں انہاں منگل کوں بیجنگ اچ چین پاکستان اقتصادی راہداری( سی پیک) دی 12ویں (خصوصی) سانجھی تعاون کمیٹی جے سی سی دے اجلاس  توں خطاب کریندیں ہوئیں آکھی۔ اجلاس دی سانجھی صدارت وفاقی وزیر برائے منصوبہ بندی، ترقی اتے خصوصی اقدامات، پروفیسر احسن اقبال اتے وائس چیئرمین، نیشنل ڈویلپمنٹ اینڈ ریفارم کمیشن (این ڈی آر سی)، چائنا  کانگ لیانگ کیتی۔ اجلاس اچ پاکستان اتے چین وچال مختلف وزارتاں اتے محکمیاں دے سینئر حکام اتے نمائندے وی موجود ہن۔ ایں موقع تے وفاقی وزیر منصوبہ بندی احسن اقبال آکھیا جو  سی پیک پاکستان چین  اسٹریٹجک کوآپریٹو پارٹنرشپ دی پہلی ترجیح اے۔ سی پیک ٻہوں اہم منصوبہ اے جیڑھا چین اتے پاکستان وچال ڳھاٹے تعلقات دی علامت اے