وزیرِ اعظم پشاور اچ فاٹا یونیورسٹی دے فیز ون دا افتتاح کر ݙتا

380

 وزیرِ اعظم محمد شہباز شریف پشاور اچ فاٹا یونیورسٹی دے فیز ون دا افتتاح کر ݙتے۔ ایں موقع تے گورنر خیبرپخوا حاجی غلام علی، نگران وزیراعلیٰ اعظم خان،  وفاقی وزیر اطلاعات و نشریات مریم اورنگ زیب،وزیر اعظم دی معاون خصوصی برائے امور نوجوانان شزہ فاطمہ ،  وزیراعظم دے معاون خصوصی انجینئر امیر مقام ، چیئرمین ہائرایجوکیشن کمیشن ڈاکٹر مختار احمد وی موجود ہن۔ اے یونیورسٹی ضم تھیے ضلعیاں دی پہلی یونیورسٹی اے جیڑھی انہاں ضلعیاں دے باصلاحیت نینگراں کوں بین الاقوامی معیار دے عین مطابق اعلیٰ تعلیم ݙیسی۔ 1.5 ارب روپے دی لاگت نال ٻݨݨ آلی ایں یونیورسٹی دی بنیاد مسلم لیگ ن دے گزریل دور حکومت اچ رکھی ڳی ہئی