خیبراچ سکیورٹی فورسز دے انٹیلی جنس بیسڈ آپریشن دے دوران پاک فوج دے میجر میاں عبداللہ شہید تھی ڳئن۔ آئی ایس پی آر موجب خیبر دے علاقے شکاس اچ 5 اتے 6 جولائی دی وچلی رات دہشتگرداں دی موجودگی دی اطلاع تے آپریشن کیتا ڳئے ۔ فورسز دے آپریشن دے دوران دہشتگرداں اتے سکیورٹی فورسز وچال فائرنگ دا تبادلہ تھئے تے شدید فائرنگ دے تبادلے اچ آپریشن دی قیادت کرݨ آلے میجر میاں عبداللہ شاہ شہید تھی ڳئن۔ آپریشن دے نتیجے اچ 3 دہشتگرداں تے انہاں دے سہولت کاراں کوں گرفتار کر ڳھدا ڳئے جݙاں جو علاقے اچ موجود دہشتگرداں دے خاتمے کیتے کلیئرنس آپریشن جاری اے۔آئی ایس پی آر آکھیے سکیورٹی فورسز دہشتگردی مکاوݨ کیتے پرعزم ہن اتے ساݙے فوجیاں دی ایجھی قربانیاں ساݙے عزم کوں مزید مضبوط کریندن ۔
