وزیراعظم محمد شہباز شریف آکھیا جو عمران نیازی پاکستان دشمنی اتے ملکی مخالفت تے آڳے، بے گناہ فلسطینیاں دا خون وہاوݨ آلے اسرائیل ولوں پاکستان دے اندرونی معاملات بارے بیان دی پوری قوم مذمت کریندی اے۔ نو مئی دا واقعہ اگر اسرائیل اچ تھیندا تاں او ذمہ واراں دے خلاف کتنی تباہی کریندا، معاشی بحالی دا پروگرام ملک کوں اپݨے پیراں تے کھڑیسی، آئی ایم ایف پروگرام دی اڄ منظوری تھی ویسی۔ بہارہ کہو فلائی اوور دا افتتاح ایں مہینے دے چھیکڑ اچ تھی ویسی۔ الیکشن دے بعد اگلے پنج سال اچ غربت اتے بے روزگاری دا خاتمہ، تعلیم دا فروغ، زرعی ترقی اتے ملکی خوشحالی کیتے جان لڑا ݙیسوں۔ اے ڳالھیں انہاں بدھ کوں نائنتھ ایونیو اتے خیابان اقبال دے سنگم شاہین چوک تے فلائی اوور دا منڈھ بدھݨ اتے برسات دی شجرکاری مہم دی افتتاحی تقریب توں خطاب کریندیں ہوئیں آکھی۔ ایں موقع تے وزیر داخلہ رانا ثناء اللہ، وفاقی وزیر اطلاعات و نشریات مریم اورنگزیب، مسلم لیگ ن دے رہنما حنیف عباسی، چیئرمین سی ڈی اے نور الامین مینگل اتے راولپنڈی ، اسلام آباد توں مسلم لیگ ن دے ٻے رہنما موجود ہن۔ چیئرمین سی ڈی اے وزیراعظم کوں منصوبے بارے بریفنگ ݙتی۔ منصوبے تے ݙو ارب روپے دی لاگت امسی۔ ابتدائی طور ایں مںصوبے کوں پورا کرݨ کیتے اٹھ مہینے دی مد رکھی ڳی ہئی پر وزیراعظم دی ہدایت تے اینکوں ترائے مہینے اچ پورا کیتا ویسی۔ تقریب توں وزیر داخلہ رانا ثناء اﷲ، مسلم لیگ (ن) دے رہنما حنیف عباسی اتے چیئرمین سی ڈی اے نور الامین مینگل وی خطاب کیتا
