کویت دا قرآن کریم دے ، سویڈش زبان اچ ترجمے آلے ہک لکھ نسخے شائع کرݨ دا اعلان کیتے۔ سعودی ذرائع ابلاغ موجب کویتی وزیر اعظم دا اے فیصلہ اسلام دی رواداری اتے سارے لوکاں وچال اسلامی اقدار اتے آپسی اتحاد کوں کھنڈاوݨ دے مقصد دےتحت کیتا ڳے۔ شیخ احمد نواف الاحمد الصباح کیئر اتھارٹی کوں قرآن پاک دی طباعت اتے اشاعت دا کم ݙے ݙتے تانجو انہاں نسخیاں کوں سویڈن اچ تقسیم کیتا ونڄے۔ واضح راہوے جو 28 جون کوں عید الاضحیٰ دے پہلے ݙینھ سویڈن اچ ہک عراقی شہری قرآن کریم دے نسخے دی بے حرمتی کیتی ہئی۔ ایں گھناؤنی حرکت تے پوری دنیا اچ مسلماناں اچ ٻہوں ݙکھ تے کاوڑ اے اتے احتجاجی مظاہرے شروع تھی ڳن
