سابق چیف جسٹس بلوچستان ہائیکورٹ محمد نور مسکانزئی کے قتل کے ملزم کو گرفتار کر لیا گیا۔
خاران کے رہائشی مبینہ قاتل کا تعلق کالعدم تنظیم سے بتایا جاتا ہے۔
یاد رہے کہ محمد نور خان مسکانزئی کو چند روز قبل نماز کی ادائیگی کے دوران مسجد میں قتل کر دیا گیا تھا۔
وزیراعلی بلوچستان عبدالقدوس بزنجو نے واقعے کا نوٹس لیتے ہوئے ملزمان کو فوری طور پر گرفتار کر کے انصاف کے کٹہرے میں لانے کے احکامات جاری کیے تھے۔
