لاہور (ٹی این ایس) این سی سی آئی اے لاہور زون — اہم کارروائیوں کی تفصیلات
بریفنگ پوائنٹس | پریس کانفرنس
1۔ این سی سی آئی اے لاہور زون کی جانب سے سائبر جرائم، آن لائن مالی فراڈ اور غیر قانونی ڈیجیٹل سرگرمیوں کے خلاف کارروائیاں جاری ہیں۔
2۔ جعلی کینیڈین شناختی دستاویزات: مصنوعی ذہانت (AI) کے ذریعے جعلی شناختی دستاویزات اور پاسپورٹ تصاویر تیار کرنے کے الزام میں تین لا اسٹوڈنٹس گرفتار کیے گئے۔
3۔ ملزمان کے قبضے سے چار موبائل فون، چار لیپ ٹاپ اور جعلی کینیڈین پاسپورٹس کی پرنٹ شدہ نقول برآمد ہوئیں۔
4۔ ابتدائی تحقیقات کے مطابق جعلی دستاویزات کے ذریعے کینیڈا کے بینک اکاؤنٹس کھلوانے اور آن لائن مالی فراڈ میں سہولت کاری کی جا رہی تھی۔
5۔ پیمنٹ کارڈ فراڈ کے خلاف کارروائی: ایل ڈی اے سٹی لاہور میں کارروائی کرتے ہوئے دو ملزمان، واجد علی جعفری اور امان علی، کو گرفتار کیا گیا۔
6۔ کارروائی کے دوران پانچ پوائنٹ آف سیل (POS) مشینیں اور چار موبائل فون برآمد کرکے تحویل میں لے لیے گئے۔
7۔ مقدمہ ایف آئی آر نمبر 243/2026 درج کر لیا گیا ہے، جبکہ پی او ایس مشینیں فراہم کرنے کے الزام میں مطلوب ملزم نجف کی گرفتاری کے لیے کوششیں جاری ہیں۔
8۔ غیر قانونی آن لائن بیٹنگ نیٹ ورک: بحریہ ٹاؤن لاہور میں کارروائی کے دوران آن لائن بیٹنگ نیٹ ورک سے تعلق پر چار افراد گرفتار کیے گئے۔
9۔ کارروائی کے دوران ایک کمپیوٹر، ایک لیپ ٹاپ اور چھ موبائل فون قبضے میں لیے گئے۔
10۔ ابتدائی تحقیقات کے مطابق ملزمان پر امریکی شہریوں کو آن لائن بیٹنگ گیمز اور خصوصی آفرز کے ذریعے مالی نقصان پہنچانے کا الزام ہے۔
11۔ حکام کے مطابق نیٹ ورک کے مالک زعیم کی تلاش جاری ہے، جبکہ گرفتار ملزمان کے ڈیجیٹل آلات سے حاصل ہونے والے مواد کی جانچ کی جا رہی ہے۔
12۔ اس کارروائی کا مقدمہ نمبر 250/2026 درج کیا گیا ہے، جس میں پیکا 2016 اور پاکستان پینل کوڈ کی متعلقہ دفعات شامل ہیں۔
13۔ تینوں کارروائیوں میں مجموعی طور پر نو افراد گرفتار کیے گئے، جبکہ ڈیجیٹل آلات، پی او ایس مشینیں اور جعلی دستاویزات برآمد ہوئیں۔
14۔ این سی سی آئی اے لاہور زون کے ایڈیشنل ڈائریکٹر عاطف امیر کے مطابق سائبر جرائم، مالی فراڈ اور مصنوعی ذہانت کے غلط استعمال میں ملوث عناصر کے خلاف قانونی کارروائیاں جاری رہیں گی۔
15۔ غیر قانونی کال سینٹرز کے خلاف کارروائیاں: این سی سی آئی اے لاہور زون اب تک 12 غیر قانونی کال سینٹرز کے خلاف کارروائیاں کر چکا ہے، جن کے دوران مجموعی طور پر 321 افراد کو گرفتار کیا گیا، جن میں 22 خواتین بھی شامل ہیں۔
