اسلام آباد مارچ 17 (ٹی این ایس): ترجمان دفتر خارجہ عائشہ فاروقی کے مطابق تمام واک ان سروسز اور قونصلر سروسز بھی 18 مارچ سے 3 اپریل تک معطل رہیں گی البتہ اس دوران دستاویزات کی تصدیق کا عمل کوریئر کمپنی کے ذریعے جاری رہے گا۔
ترجمان دفترخارجہ کا کہنا تھا کہ اس دوران اسپیشل سیل ڈپلومیٹک کور اور بیرون ملک پاکستانی مشنز کے ساتھ رابطے میں رہے گا۔
ترجمان نے بتایا کہ حفاظتی انتظامات کے تحت وزارت خارجہ میں کورونا وائرس کے حوالے سے اسپیشل سیل بھی قائم کردیا گیا ہے۔
خیال رہے کہ پاکستان میں کورونا وائرس سے متاثرہ افراد کی تعداد 190 سے تجاوز کر گئی ہے جس کے باعث ملک کے بیشتر حصوں میں تفریحی مقامات، کھیلوں کی سرگرمیاں، اہم ایونٹس پرپابندی عائد ہے جب کہ ساتھ ہی تعلیمی ادارے بند اور امتحانات ملتوی کر دیئے گئے ہیں۔
اس کے علاوہ سخت حفاظتی اقدامات کے تحت ملک کے صرف تین ائیرپورٹس سے سفر کرنے کی اجازت ہے۔
جب کہ سے وائرس کے پیشِ نظر امریکی سفارتخانے نے پاکستان میں ویزا سروسز بھی معطل کر دی ہے۔
