اسلام آباد 27 اگست 2021 (ٹی این ایس): وفاقی وزیر داخلہ شیخ رشید نے افغانستان سے پاکستان آنے والے غیر ملکیوں کو اکیس دن کا آن ارائیول ویزا جاری کرنے کا اعلان کرتے ہوئے کہا جن افغانیوں کےدستاویز ٹھیک ہیں ویزا دینے کیلئے تیار ہے۔
وفاقی وزیر داخلہ شیخ رشید نے میڈیا سے گفتگو کرتے ہوئے کہا کہ افغانستان سے غیرملکیوں کی آمد کے پیش نظر ایف آئی اے اور امیگریشن کے انتظامات مکمل ہیں، ہم نے 21دن کا ویز ادینے کا فیصلہ کیا ہے، پاکستان نے کابل سے انخلا کیلئے تاریخی کرداراداکیا۔
وفاقی وزیر داخلہ کا کہنا تھا کہ فیصلہ ہوا ہے فی الحال اسلام آبادکے دونوں ایئرپورٹ پر سہولت دی جائے گی ، 1480افراد کو طورخم بارڈر کےانٹری دی ہے ، چمن اورطورخم بارڈر کھلے ہیں تاہم کابل سے آنیوالے سفارتی اہلکاروں کیلئے اسلام آباد ایئرپورٹ رکھا ہے۔
افغانستان سے آنے والوں کے ویزے سے متعلق شیخ رشید نے کہا کہ 3نئے ادارے 10دنوں میں وزارت داخلہ کے تحت کھل رہے ہیں، امریکی ، جرمن، برطانوی سمیت تمام ممالک کے ڈپلومیٹ کو21کا ویزا دینے کو تیارہیں اور جن افغانیوں کےدستاویز ٹھیک ہیں تو انھیں بھی ویزا جاری کریں گے ، طالبان نے یقینی دہانی کرائی گئی ہے کہ افغان سرزمین پاکستان کیخلاف استعمال نہیں ہوگی۔
بھارت کے حوالے سے ان کا کہنا تھا کہ بھارت نے اپنے قونصلیٹ کو پاکستان کیخلاف دہشت گردی کیلئےاستعمال کیا لیکن پاکستان کیخلاف سازشوں میں بھارت کو منہ کو کھانی پڑی، سی پیک کیخلاف سازش پاکستان سے دشمنی کے مترادف ہے۔
اپوزیشن سے متعلق وفاقی وزیر نے کہا کہ اپوزیشن کیا کریں ،دنیا کی سیاست پشاورجارہی ہے یہ کراچی جارہے ہیں، اپوزیشن کو حکومت کےساتھ کھڑے ہونا چاہیے، 2سال بعد الیکشن ہونے جارہے ہیں ،اللہ کی مدد شامل ہوئی تو عمران خان اگلا الیکشن ان سے نہیں ہارے گا،
شریف خاندان پر شیخ رشید کا کہنا تھا کہ شہبازشریف جب بولتا ہے تو مریم اورنواز خاموش ہوجاتےہیں، جب مریم اورنواز بولناشروع ہوتاہےتوشہبازشریف خاموش ہوتا ہے۔
اوورسیز پاکستانیوں سے متعلق انھوں نے کہا کہ اوورسیز کی ابھی ووٹر لسٹیں بنارہے ہیں ، وزیراعظم ہرمیٹنگ میں اوورسیزاورووٹنگ کی بات کرتے ہیں۔
فضل الرحمان کے حوالے سے وفاقی وزیر کا کہنا تھا کہ فضل الرحمان کے پاس اپوزیشن کی سیاست کی گنجائش نہیں ، فضل الرحمان کو مذہبی معاملات کو قومی کرداراداکرناچاہیے، پی ڈی ایم کیا ہے یہ ٹائی ٹائی فش ہے ،فضل الرحمان ملک کے اردگرد حالات میں قومی ذمہ داری اداکریں۔
شیخ رشید نے بلاول کے حوالے سے سوال پر کہا کہ بلاول کے خلاف کوئی بات نہیں سن سکتا،بلال وہ سے دل کا رشتہ ہے،دل کی بات دکانداروں کےسامنے نہیں کرتے۔
افغانستان سے متعلق ان کا کہنا تھا کہ طالبان میں پڑھے لکھےلوگ ہیں آسٹریلیا اور لندن سے پڑھے ہوئےہیں ، 31تاریخ کے بعد افغانستان میں حکومت بنے گی، افغانستان کیساتھ 2686کلو میٹر بارڈر سیل ہے تاہم چمن اورطورخم بارڈر کھلا ہے۔
