راولپنڈی 19 مئی 2022 (ٹی این ایس): جنوبی وزیرستان میں فوجی قافلے پر حملے میں ایک اہلکار شہید ہو گیا۔ پاک فوج کے شعبہ تعلقات عامہ کے مطابق 19 مئی 2022 کو جنوبی وزیرستان کے علاقے مکین میں فوجی قافلے پر ایک دیسی ساختہ بم دھماکہ ہوا۔ دھماکے کے نتیجے میں حوالدار محمد سنور (عمر 39 سال، ساکن جہلم) نے شہادت قبول کی۔ آئی ایس پی آر کا کہنا ہے کہ علاقے میں کسی بھی دہشت گرد کے خاتمے کے لیے کلیئرنس کی جا رہی ہے دوسری جانب فورسز نے شمالی وزیرستان کے ضلع میر علی میں انٹیلیجنس پر مبنی آپریشن کیا اس دوران فائرنگ کے تبادلے میں ایک دہشت گرد مارا گیا۔ ترجمان پاک فوج کے مطابق مارے گئے دہشت گرد کی شناخت الطاف کے نام سے ہوئی ہے۔آئی ایس پی آر کا کہنا ہے کہ ہلاک دہشت گرد کے قبضے سے اسلحہ اور گولہ بارود برآمد کرلیا گیا ہے جبکہ ہلاک دہشت گرد فورسز پر حملوں میں ملوث تھا۔
