وفاقی وزیر خزانہ سنیٹر محمد اسحاق ڈار آکھیے جو عالمی منڈی اچ پٹرولیم مصنوعات دیاں قیمتاں ودھݨ دے باوجود حکومت وزیراعظم محمد شہبازشریف دے آکھیے تے عوام دے ڳھٹو ڳھٹ ٻھار سٹݨ کیتے پٹرول دیاں قیمتاں آندے پندرھواڑے نا ودھاوݨ دا فیصلہ کیتے ڄݙاں جو ڈیزل دے منفی رجحان سانڳے آندے پندرھواڑے کیتے یکم جولائی توں ساݙھے 7 روپے فی لٹر ودھارا کیتا ویندا پئے۔ اسلام آباد اچ پریس کانفرنس کریندے انہاں آکھیا جو پندرہ ݙینھ بعد پٹرولیم مصنوعات دیاں قیمتاں اچ کمی بیشی کیتی ویندی اے، عالمی منڈی اچ ڈیزل دی قیمت اچ ساݙھے 3 میں ڈالر فی بیرل ودھارا ݙٹھا ڳئے ایں سانڳے اوگرا ڈیزل دی قیمت ودھاوݨ دی سفارش کیتی ہئی۔ وزیراعظم دی ہدایت تے اے فیصلہ تھئے جو پٹرول دا ملھ نا ودھایا ونڄے تاں جو لوکاں کوں سوکھ تھیوے، تہوں آندے پندرھواڑے پٹرول دی قیمت برقرار رہسی
