پائیدار ترقی و خوشحالی کیتے عالمی ترقیاتی تعاون ودھاوݨ دی لوڑھ اے،پاکستان اقوام متحدہ دے پائیدار ترقی اہداف 2030 سانڳے شراکت دار ملکاں نال ڳانݙھا چاہندے، وزیراعظم شہباز شریف

 
0
128

وزیراعظم محمد شہباز شریف پائیدار ترقی و خوشحالی کیتے بین الاقوامی ترقیاتی تعاون ودھاوݨ تے زور ݙیندے آکھیے جو پاکستان اقوام متحدہ دے پائیدار ترقی اہداف 2030 سانڳے شراکت دار ملکاں نال ڳانݙھا چاہندے۔ او اسلام آباد اچ گلوبل ڈویلپمنٹ انیشیٹو: “ایکو دی ڈویلپمنٹ ایجنڈا اتے کال فار گلوبل ایکشن” بارے سیمینار نال خطاب کریندے پئے ہن ڄیڑھا چائنا انٹرنیشنل ڈویلپمنٹ کوآپریشن ایجنسی (سی آئی ڈی سی اے) کرائے۔ تقریب اچ چینی کمیونسٹ پارٹی دے پولٹ بیورو دے رکن اتے سی پی سی دے خارجہ امور کمیشن دے جنرل آفس دے ڈائریکٹر وانگ یی، سٹیٹ قونصلر اتے وزیر خارجہ چن گینگ سودھا چیئرمین سی آئی ڈی سی اے لو ژاؤہوئی شرکت کیتی۔ ایں موقع تے کئی ملکاں اتے بین الاقوامی تنظیموں دے سرکردہ ماہرین و ایگزیکٹوز وی موجود ہن۔ وزیر اعظم سماجی و اقتصادی ترقی، موسمیاتی تبدیلی دے خطرات ڳھٹاوݨ اتے انسانیت دی پائیدار ترقی و خوشحالی کیتے ترقی دے نویں محرکات استعمال کرݨ کیتے ہک متفقہ عالمی رسپانس پیدا کرݨ لو بین الاقوامی ترقیاتی تعاون ودھاوݨ دا آکھیے۔ انہاں جامع و پائیدار عالمی ترقی سانڳے عالمی ترقیاتی اقدام شروع کرݨ تے چین دی تعریف کریندے جی ڈی آئی کیتے پاکستان دی مضبوط حمایت دا یقین ݙیوایا۔ انہاں آکھیا جو پاکستان اچ جی ڈی آئی منصوبیاں تے تیزی نال عملدرآمد کیتے چین نال کثیر جہتی تعاون جاری رکھیا ویسی۔ ملک اچ زرعی ترقی بارے الیندے وزیر اعظم شہباز شریف آکھیے جو زراعت پاکستان دی ریڑھ دی ہڈی اے، پاکستان اچ 1960ء دے بعد ݙوڄھا سبز انقلاب آندا پئے، کسان پاکستان دی ریڑھ دی ہڈی ہین، جیندی زراعت کیتے ݙینھ رات دی محنت سڄھائی تھیوݨی چاہیدی اے، ایں سانڳے حکومت ودھ پوہریا کریندی پئی اے جو کسان خوشحال تھیوے، زرعی پیداوار ودھے اتے ایندا اثر ملکی ترقی اتے خوشحالی نال جڑیا ہوئے جو کسان پاکستان دے کروڑاں لوکاں کوں غذائی اجناس ݙیوݨ دا ذریعہ ہین۔ وزیر اعظم آکھیے جو کساناں کوں زراعت دی ترقی دے ثمرات پچاوݨ کیتے وݙے وسائل دی لوڑھ اے، ملک اچ زرعی انقلاب ڳھن آوݨ کیتے سارے وسائل لائے ویسن۔