اسلام آباد
اسلام آباد کی سبزی و فروٹ منڈی میں ضلعی انتظامیہ کے اہلکار ریڑھی بان پر تشدد کر رہا ہے۔ اس واقعہ کی ویڈیو بنانے پر اسسٹنٹ کمشنر پوٹھوہار کے سٹاف نے مقامی اخبار کے صحافی راجہ وسیم کو بھی دبوچ لیا۔ ضلعی انتظامیہ کے اہلکاروں کو یہ خدشہ تھا کہ کہیں ریڑھی بانوں پر تشدد کی ویڈیو لیک ہونے پر ان کی کارکردگی پر حرف نہ آجائے۔ اہلکاروں نے صحافی سے اس کا موبائل فون چھین لیا۔ ویڈیو ڈیلیٹ کی اور بدتمیزی کرتے ہوئے زدوکوب بھی کیا۔ واقعہ بروز جمعہ 15 مارچ 2024ء کو سبزی و فروٹ منڈی مارکیٹ کمیٹی کے دفتر کے باہر پیش آیا۔
