اسلام آباد ستمبر 8(ٹی این ایس):اسلام آباد کی عدالت میں کرپشن کیس میں ڈپٹی چیئرمین نیب امتیازتاجورکی عبوری ضمانت میں 20 ستمبرتک توسیع کردی ۔
ڈپٹی چیئرمین نیب سرکاری پروٹوکول میں اسپیشل جج سینٹرل کی عدالت میں پیش ہوئے۔
نیب کے ایگزیکٹو بورڈ نے گزشتہ روز شریف خاندان کے خلاف کرپشن کیسز کی منظوری دی تھی جب کہ ڈپٹی چیئرمین نیب امتیاز تاجور بھی اس کارروائی کا حصہ تھے۔
واضح رہےکہ ڈپٹی چیئرمین نیب کے خلاف قائم مقام چیئرمین نادرا کی حیثیت سے نادرا فنڈز سے 61 لاکھ روپے اپنے اور اپنے خاندان کے افراد پر خرچ کرنے کا الزام ہے۔
نادرا کی شکایت پر ایف آئی اے نے امتیاز تاجور کے خلاف انکوائری کر کے مقدمہ درج کر رکھا ہے۔
