لاہور(ٹی این ایس) پنجاب حکومت نے سی سی ڈی کوپنجاب میں مزیدمستحکم کرنیکافیصلہ کرلیا ہے۔سی سی ڈی اب پنجاب میں خواتین کو ہراساں کرنے اوردیگر سائبر کرائم پربھی ایکشن لے گا،سائبر کرائم، نارکوٹکس اور قبضہ مافیا کے خلاف ایکشن کا اختیارہوگا۔
سی سی ڈی منظم قبضہ گروپوں کا ریکارڈ مرتب کرے گی،کولڈکیسز اور زیر التوامقدمات کی تفتیش بھی سی سی ڈی کو دی جائے گی،سائبر کرائم سے نبردآزما ہونے کیلئے جدیدگیجٹس اور ڈیٹاتک رسائی دی جائے گی،سی سی ڈی کومستقبل میں مزیدٹارگٹس سونپنے پر ورکنگ کاآغازکردیا۔
سی سی ڈی کے تمام ترسسٹم کوڈیجیٹلائزکیاجائیگا،منشیات سائبر کرائم اور قبضہ گروپس کیخلاف مقدمات کے اندراج اور گرفتاریوں کا اختیار بھی ہوگا،قانونی تقاضے پورے کرکے سائبر کرائم اور قبضہ گروپس کیخلاف کارروائیاں شروع کی جائیں گی۔
