کراچی جنوری 6(ٹی این ایس)سیکیورٹیز اینڈ ایکسچینج کمیشن آف پاکستان(ایس ای سی پی) نے سیکیورٹیز ایکسچینج(لائسنسنگ اینڈآپریشنز)ریگولیشن2016میں ترمیم متعارف کرا دی ہے اوراسٹاک ایکسچینج کے بورڈ میں ایک تہائی آزاد و خود مختار ڈائریکٹرز کی تعیناتی لازمی قرار دینے کا فیصلہ کیا ہے، سیکیورٹیز ریگولیشن2016 کے تحت ا سٹاک ایکسچینج کے 40فیصد حصص کی فروخت کے بعد ا سٹاک ایکسچینج کے بورڈ کی تشکیل نو6 ماہ کے اندر اندر مکمل ہونا ضروری ہے اور اس پر نامزد ڈائریکٹراسٹاک ایکسچینج کے مز ید20فیصد حصص کی فروخت تک آزاد و خود مختار شمار کیے جائیں گے،بورڈ میں مجموعی طور پر 50 ڈائریکٹرہیں، اس ضمن میں ایس ای سی پی نے ا سٹاک ایکسچینج کے اہم پلیئرز سے اس نئی ترمیم پر اعتراضات یا سفارشات طلب کر لی ہیں،یہ ترمیم کوڈ آف کارپوریٹ گورننس ریگولیشن2017کے تحت متعارف کرائی گئی ہے تاکہ ا سٹاک ایکسچینج کے بورڈ آف ڈائریکٹرزکوہر شعبے سے بامعنی نمائندگی حاصل رہے۔
