کراچی جنوری 16 (ٹی این ایس)میٹکو فوڈز لمیٹڈ کے آئی پی او پاکستان اسٹاک مارکیٹ میں29جنوری کو فروخت کیلئے پیش کیے جائینگے ،کمپنی کے چیئرمین جاوید غوری کے مطابق میٹکو فوڈز لمیٹڈ کے 25فیصد حصص 29اور 30جنوری کو اسٹاک مارکیٹ میں عوامی فروخت کیلئے پیش کیے جائینگے اور یہ سال 2018کا پہلا آئی پی او بھی ہوگا،انہوں نے بتایا کہ میٹکو فوڈز لمیٹڈ نے پورٹ قاسم پر رائس گلوکوز کا دوسرا یونٹ قائم کرنے کا فیصلہ کیا ہے ،اس سے قبل رائس گلوکوز کا پہلا یونٹ کراچی کے علاقے گلشن معمار میں کام کررہا ہے ،کمپنی کے حصص کی فلور پرائس26روپے مقرر کی گئی ہے ،ادارے کے آئی پی او کیلئے ایم سی بی بک رنراور عارف حبیب نے بطور کنسلٹنٹ کردار ادا کیا ہے ، کمپنی کے 25فیصد یعنی دوکروڑ91لاکھ43ہزار حصص 26روپے کی قیمت پر فروخت کیے جائینگے جس سے 75کروڑ77لاکھ روپے سے زائد کا سرمایہ حاصل کیا جائیگا۔
