اسلام آباد ،جنوری19(ٹی این ایس):وفاقی وزیر برائے انسانی حقوق ممتاز احمد تارڑ نے ادیب، دانشور، کالم نگار، ڈرامہ نویس اور صحافی منو بھائی کے انتقال پر گہرے رنج و غم کا اظہار کیا ہے۔ جمعہ کو انہوںنے اپنے تعزیتی بیان میں کہا کہ ان کی وفات ملک، ادب اور صحافت کے لئے بڑا نقصان ہے۔ انہوں نے علم و ادب کے تمام شعبہ جات میں اپنا نام کمایا اور نوجوان نسل کو امید، لگن اور جستجو کا پیغام دینے کے لئے قلم کا استعمال کیا۔ تھیلیسیمیا کے مریض بچوں کے علاج کے لئے انہوں نے سندس فاؤنڈیشن قائم کی جو صدقہ جاریہ ہے۔ انہوں نے مرحوم و مغفور کی بلندی درجات اور پسماندگان کے لئے صبر جمیل کی دعا کی۔
