اسلام آباد فروری6 (ٹی این ایس)ایف سی بلوچستان نے بولان کے علاقے کاتک وادی میں سرچ آپریشن کے دوران11مشتبہ افراد کو حراست میں لیکر بارودی سرنگیں و دیگر اسلحہ برآمد کرلیا۔آئی ایس پی آر کے مطابق ایف سی بلوچستان نے بولان کے علاقے کاتک وادی میں سرچ آپریشن کیا، سرچ آپریشن کے دوران 11مشتبہ افراد کو حراست میں لیا گیا۔پاک فوج کے شعبہ تعلقات عامہ کا کہنا ہے کہ سرچ آپریشن میں بارودی سرنگیں،ڈیٹونیٹر، فیوز اورگولہ بارود برآمد کیے گئے جبکہ موبائل فون کی سمیں اور کمیونی کیشن آلات بھی برآمد کیے گئے۔آئی ایس پی آر کا کہنا ہے سرچ آپریشن سرخاب افغان مہاجرین کیمپ میں کیا گیا۔
