اسلام آباد مارچ 15(ٹی این ایس)پاک بحریہ کے سربراہ ایڈمرل ظفر محمود عباسی کی سعودی عرب میں کمانڈر رائل سعودی بارڈر گارڈ اور ایسٹرن فلیٹ کمانڈرسے ملاقاتیں ہوئیں جس میں پیشہ ورانہ اُموراوردو طرفہ بحری اشتراکیت پر تبادلہ خیال کیا گیا۔
ترجمان پاک بحریہ کے مطابق پاک بحریہ کے سربراہ ایڈمرل ظفر محمود عباسی نے ملاقات میں دہشت گردی کے خلاف جنگ اوربحری امن و استحکام میں پاک بحریہ کی کاوشوں پر بھی روشنی ڈالی۔
کمانڈر رائل سعودی بارڈر گارڈنے بحری تجارت کی آزادانہ نقل و حمل کویقینی بنانے میں پاک بحریہ کے کردار و خدمات کو سراہا۔ ایسٹرن فلیٹ کمانڈرنے بحری امن و استحکام کو فروغ دینے کے سلسلے میں پاک بحریہ کی کاوشوں کی تعریف کی۔ ایڈمرل ظفر محمود عباسی نے نے کنگ فہد نیول اکیڈمی کے دورے کے دوران اکیڈمی کے کمانڈنٹ سے ملاقات کی۔
ملاقات کے دوران باہمی دلچسپی کے پیشہ ورانہ اُمور،تعلیم و تربیت اور نوجوان آفیسرز کی صلاحیتوں میں اضافے پر تبادلہ خیال کیا گیا۔سربراہ پاک بحریہ نے سعودی اور خلیجی ممالک کے کیڈٹس اور مڈ شپ مین سے بھی خصوصی بات چیت کی گئی۔
