پرویز خٹک کی بھی وزیراعلی کے عہدے کیلئے لابنگ، دوسرے آپشن کے طور پر پرویز خٹک کا اسد قیصر کو وزیراعلی بنانے پر اصرار، ذرائع
اسلام آباد جولائی 31(ٹی این ایس): چیئرمین تحریک انصاف عمران خان نے وزیراعلی خیبرپختونخوا کے لیے عاطف خان کا نام فائنل کر دیا۔ذرائع کے مطابق وزیراعلی خیبرپختونخوا کے لیے پرویز خٹک اور عاطف خان کے درمیان مقابلہ تھا تاہم اب پارٹی چیئرمین نے خیبرپختونخوا اسمبلی قائد ایوان کے لیے عاطف خان کے نام کر فائنل کرلیا۔
ذرائع کا کہنا ہے کہ پرویزخٹک کی بھی وزیراعلی کے عہدے کے لیے لابنگ جاری ہے اور دوسرےآپشن کے طور پر وہ اسد قیصر کو وزیراعلی بنانے کے خواہشمند ہیں۔
یاد رہے کہ سابق وزیراعلی خیبرپختونخوا پرویز خٹک ایک قومی اور ایک صوبائی نشست پر کامیاب ہوئے ہیں تاہم وہ قومی اسمبلی کے بجائے خیبرپختونخوا اسمبلی میں قائد ایوان کا عہدہ لینا چاہتے ہیں۔اس طرح کی خبریں منظرعام پر آنے کے بعد پرویز خٹک کا کہنا تھا کہ پارٹی چیئرمین عمران خان عہدوں کے حوالے سے جو فیصلہ کریں گے وہ قبول ہوگا۔
