اسلام آباد،اگست 01 (ٹی این ایس): نگران انتظامیہ کی جانب سے پٹرولیم مصنوعات کی قیمتیں موجودہ سطح پر برقرار رکھنے کا فیصلہ کیا گیاہے ۔وزارت خزانہ کا کہنا ہے کہ فیصلہ عام آدمی کے مفاد میں کیا۔
وزارت خزانہ کی جانب سے جاری اعلامیہ کے مطابق اگست میں پٹرولیم مصنوعات کی قیمتیں موجودہ سطح پر برقرار رہیں گی ۔ اعلامیے کے مطابق قیمتیں برقرار رکھنے کا فیصلہ عام آدمی کے ریلیف کیلئے کیا گیاہے ۔ واضح رہے کہ اس قبل اوگرا کی جانب سے پٹرولیم مصنوعات میں 4روپے تک اضافے کی سمری ارسال کی گئی تھی جس کومسترد کرتے ہوئے قیمتیں موجودہ سطح پر برقرار رکھنے کا فیصلہ کیاگیا ہے ۔
