اسلام آباد جولائی21(ٹی این ایس):انٹرنیشنل کرکٹ کونسل کے چیئرمین ششانک منوہر کے مجوزہ دورہ پاکستان کے امکانات ختم ہو گئے ہیں ۔پی سی بی کے چیئرمین شہریار خان نے گزشتہ ماہ آئی سی سی کے اجلاس کے موقع پر چیئرمین آئی سی سی ششانک منوہر کو دورہ پاکستان کی دعوت دی تھی ۔ششانک منوہر کے رضامندی ظاہر کرنے کے بعد پی سی بی نے باضابطہ طور پر آئی سی سی کو دعوت نامہ بھی بھجوا دیا اور آئی سی سی نے دورے کو ممکن بنانے کیلئے منصوبہ بندی شروع کر دی ۔ذرائع کے مطابق کرکٹ بورڈ کے دو بڑوں کے درمیان ششانک منوہر کے دورے کے حوالے سے ہم آہنگی نہ ہونے کی وجہ سے یہ دورہ کٹھائی میں پڑ گیا اور آئی سی سی کو بتایا گیا کہ موجودہ صورت حال میں دورہ مناسب نہیں ہے ۔ ششانک منوہر کے مجوزہ دورے کیلئے شہریار خان کے چیئرمین کی حیثیت سے سبکدوشی سے قبل جولائی کا آخری ہفتہ رکھا گیا تھا
