سندھ میں یو ایس ایڈ کے 71 اسکولوں کو نجی شعبے کو دینے کے معاہدے پر دستخط ہو گئے

 
0
334

کراچی 22 جولائی 2020 (ٹی این ایس): سندھ میں یو ایس ایڈ کے 71 اسکولوں کو نجی شعبے کو دینے کے معاہدے پر دستخط ہو گئے۔ معاہدہ سندھ حکومت، سی ایف سی اور ہینڈز کے درمیان 10 سالوں کے لیے طے پایا ہے۔

وزیر اعلیٰ سندھ مراد علی شاہ بھی تقریب میں موجود تھے ۔ اس موقع پر ان کا کہنا تھا کہ یہ اسکول امریکی حکومت کی طرف سے سندھ کیلئے تحفہ ہے ۔

انہوں نے کہا کہ ان اسکولز کو قائم کرنے کیلئے مریکا نے چھبیس ارب روپے جبکہ سندھ حکومت نے سولہ ارب روپے خرچ کیے ہیں

اس موقع پر وزیر تعلیم سندھ سعید غنی کا کہنا تھا کہ ان 70 اسکولوں میں سے 25 نئے اسکول صوبے کے 5 اضلاع دادو، قمبر- شہدادکوٹ، کراچی اور لاڑکانہ میں ہیں۔

دوسری جانب سندھ کابینہ نے سندھ ٹیکنیکل بورڈ کو بغیر امتحان ڈپلومہ اور دیگر سرٹیفکیٹ جاری کرنے کی اجازت دےدی۔ یہ اجازت کوویڈ19 ایمرجنسی کی بنیاد پر دی گئی ہے۔