نارنگ منڈی جولائی22(ٹی این ایس) نارنگ منڈی کے علاقہ میں نہری پانی چوری کی وارداتیں بڑھ گئیں ،محکمہ انہار کی جانب سے چھاپوں کے باوجود نہری پانی چوری کی وارداتوں میں کوئی کمی نہ آنے پرٹیل کے کسانوں اورزمینداروں کوشدیدپریشانی اٹھاناپڑرہی ہے اور دھان کی فصل شدیدمتاثرہورہی ہے بتایاجاتاہے کہ نارنگ منڈ ی پولیس نے محکمہ انہارکی درخواست پر متعدد پانی چوروں کیخلاف مقدمہ درج کرکے دو کسانوں لیاقت اوررحمت کو پانی چوری کے الزام میں گرفتارکرکے حوالات میں بندکردیاہے ملزمان نے راجباہ کالاشاہ کاکو کے موگہ جات توڑ کر محکمہ کو شدیدنقصان پہنچایااور سرعام پانی چوری کرتے رہے واضح رہے کہ کسانوں اورکاشتکاروں نے حکومت سے نہری پانی چوری روکنے کامطالبہ کیاہے ۔
