اسلام آباد 14 نومبر 2020 (ٹی این ایس): وزیر اعظم عمران خان نے ٹویٹ کرتے ہوئے پاکستان میں مقیم ہندو برادری کو دیوالی کے تہوار کی مبارکباد دی۔
ہمارے تمام ہندو شہریوں کو دیوالی کا تہوار مبارک.
— Imran Khan (@ImranKhanPTI) November 14, 2020
تفصیلات کے مطابق وزیر اعظم عمران خان نے سماجی رابطے کی ویب سائٹ ٹویٹر پر اپنے ٹویٹ میں ہندو برادری کو دیوالی کی مبارکباد دی۔
وزیر اعظم عمران خان نے کہا کہ پاکستان میں مقیم ہندو برادری کو دیوالی کا تہوار مبارک ہو۔
خیال رہے کہ دنیا بھر میں ہندو برادری دیوالی کا تہوار منا رہی ہے، دیوالی ہندوؤں کا سب سے بڑا تہوار ہے۔ اسے روشنیوں کا تہوار بھی کہا جاتا ہے۔
دیوالی کا تہوار 5 دن کا تہوار ہے، اس دوران روشنیوں اور چمک دمک سے گھروں کو سجایا جاتا ہے اور آتش بازی کی جاتی ہے، جبکہ طرح طرح کی مٹھائیاں بھی کھائی اور کھلائی جاتی ہیں۔
