حکومتی پالیسیوں سے ظاہر ہوتا ہے کہ معیشت بحالی کی جانب گامزن ہے، عمران خان

اسلام آباد 01 مئی 2021 (ٹی این ایس): وزیر اعظم عمران خان نے کہا ہے کہ معیشت بحالی کی جانب گامزن ہے۔وزیر اعظم عمران خان نے ٹیکس محصولات میں اضافے پر ایف بی آر کی تعریف کرتے ہوئے کہا کہ ایف بی آر نے اپریل 2021 میں 384 ارب محصولات اکھٹے کیے جبکہ اپریل 2020 کے مقابلے میں محصولات میں 57 فیصد اضافہ ہوا۔

انہوں نے کہا کہ گزشتہ سال اسی عرصے میں 240 ارب روپے اکٹھے ہوئے تھے اور جولائی تا اپریل محصولات 14 فیصد اضافے سے 3 ہزار 780 ارب تک پہنچ گئیں۔

وزیر اعظم نے کہا کہ حکومتی پالیسیوں سے ظاہر ہوتا ہے کہ معیشت بحالی کی جانب گامزن ہے۔