حکومت کا امتحانات کے حوالے سے اہم فیصلہ

 
0
301

اسلام آباد 05 مئی 2021 (ٹی این ایس): کورونا کے باعث تعلیمی اداروں کی بندش اور امتحانات کے حوالے سے وزرائے تعلیم کے اجلاس ‏میں فیصلہ کیا گیا ہے کہ اے لیول کے امتحانات شیڈول کےمطابق لئےجائیں گے جب کہ دسویں ‏اور بارہویں کے امتحانات دیگر جماعتوں کے امتحانات سے پہلے لیے جائیں گے۔

وفاقی وزیر تعلیم شفقت محمود کی زیرصدارت بین الصوبائی وزرائے تعلیم کا ‏اجلاس ہوا جس میں صوبوں کے وزرائےتعلیم نےوڈیولنک کےذریعے شرکت کی۔

اجلاس میں فیصلہ کیا گیا کہ دسویں اور بارہویں کے امتحانات دیگر جماعتوں سے پہلے لیے جائیں ‏گے، صوبے دسویں اور بارہویں کےامتحانات کاشیڈول جلدجاری کریں گے۔

اے لیول کے امتحانات شیڈول کے مطابق لئےجائیں گے جب کہ نویں اور گیارہویں کے امتحانات کا ‏فیصلہ کورونا صورتحال کےتحت ہوگا۔

امتحان مختصر کرنے، لازمی کے بجائےصرف اختیاری مضامین کے پیپر لینےکی تجویر پر غور کیا ‏گیا۔ اجلاس میں طے کیا گیا کہ امتحانات کی تاریخوں اور طریقہ کار سے متعلق حتمی فیصلہ عید ‏کے بعد کیا جائے گا۔