اسلام آباد 30 جون 2021 (ٹی این ایس): چیئرمین پاکستان پیپلز پارٹی بلاول بھٹو زرداری نے کہا ہے کہ بجٹ معاشی تباہی کا سبب ہے، بجٹ اجلاس ہر پاکستانی کیلئےشرمندگی کاباعث بن چکا ہے۔
اسپیکر اسد قیصر کی زیر صدارت قومی اسمبلی کے اجلاس میں اظہار خیال کرتے ہوئے بلاول گزشتہ دنوں ایوان میں شہبازشریف پر حملے کی کوشش کی گئی۔ گزشتہ روز ایوان میں اہم سیشن تھا اور حکومتی اراکین اپنے لوگ دھونڈتے رہے۔
انہوں نے کہا کہ ہرممبرکا حق ہے کہ اپنا ووٹ ریکارڈ پر لے کرآئے لیکن گزشتہ روز اسپیکر نے ہمیں بولنے کی اجازت نہیں دی۔
بلاول نے کہا کہ گزشتہ روز ہم نے موقع دیا کہ حکومت اپنے 172 ووٹ پورے کرے۔ 172 ووٹ پورے کرنے پر عامر ڈوگرمبارکباد کے مستحق ہیں۔ گزشتہ روز دھاندلی نہ کرتے تو وزیراعظم کے پاس 172 ووٹ نہیں تھے۔
چیئرمین پیپلز پارٹی نے کہا کہ گزشتہ روز اسپیکر نے ہم سے ہمارا حق چھینا تھا۔ اسپیکر سے لابی کو سیل کرنے کی گزارش کی وہ نہیں مانی گئی۔
زبانی ووٹ پر اعتراض ہوتو اسپیکر کے لیے ضروری ہے کہ دوبارہ ووٹنگ کراتے۔
انہوں نے کہا کہ آخری وقت میں خود آپ کے ووٹ کو چیلنج کیا تھا۔ فنانس بل کی حتمی منظوری پر ووٹنگ نہیں کرائی گئی۔ فنانس بل کی حتمی منظور ی پر میں نے خود کھڑے ہوکر مطالبہ کیا۔ میرے مطالبے کے باوجود آپ نے ووٹنگ نہیں کرائی اور چلے گئے۔
بلاول بھٹو نے کہا کہ آخری وقت تک سیشن میں آصف زرداری کو ایوان میں بٹھایا تھا۔ ہمارے ایک رکن رشتہ دار کی فوتگی کے باوجود ایوان میں موجود تھے۔
