اسلام آباد 04 جولائی 2021 (ٹی این ایس): پاکستان پیپلز پارٹی کی سیکرٹری اطلاعات شازیہ مری کا کہنا ہے کہ بلاول بھٹو کے دورہ امریکا سےکٹھ پتلی حکمران پریشان ہیں، عمران خان تو بغیر سفارتی استثنا امریکا نہیں جاسکتے۔
تحریک انصاف کی جانب سے تنقید پر ردعمل میں شازیہ مری کا کہنا تھا کہ بلاول بھٹو زرداری کو عوام کی قوت پر بھروسہ ہے، باربار ثابت ہوا ہے کہ پیپلزپارٹی کو دھاندلی سے ہرایا جاتا ہے۔
شازیہ مری کا کہنا تھا کہ انتخابات میں رکاوٹیں کھڑی کرکے پیپلزپارٹی کا مینڈیٹ چوری کیا جاتا ہے۔
انہوں نے مزید کہا کہ جعلی اکاؤنٹس کا ڈرامہ فلاپ ہوچکا ہے، قوم کو بتایا جائےکہ 33 ارب روپے کہاں ہیں۔
