اسلام آباد 09 جون 2022 (ٹی این ایس): پاکستان تحریک انصاف (پی ٹی آئی) کے چیئرمین عمران خان نے معروف میزبان و ممبر قومی اسمبلی ڈاکٹر عامر لیاقت کے انتقال پر اظہار افسوس کیا ہے۔
اپنی ٹوئٹ میں انہوں نے کہا کہ اپنے رکن قومی اسمبلی عامر لیاقت کی رحلت کے بارے میں جان کر نہایت افسردہ ہوں۔ میری دعائیں اور ہمدردیاں ان کے اہلِ خانہ کے ساتھ ہیں۔
خیال رہے کہ رکن قومی اسمبلی عامر لیاقت اپنے گھر میں بے ہوشی کی حالت میں پائے گئے تھے، انہیں فوری طور پر اسپتال منتقل کیا گیا جہاں ڈاکٹروں نے ان کی موت کی تصدیق کر دی۔
