اسلام آباد 21 جون 2022 (ٹی این ایس): خیبرپختونخوا حکومت کا 35 فیصد فیول کٹ کے بعد وزرااور بیورکریسی کیلئے پیٹرول کی حد جاری، وزرا، مشیر، معاون خصوصی کو اب 600 لیٹر پیٹرول کی بجائے390 لیٹر سرکاری پیٹرول ملے گا
چیف سیکرٹری، ایڈیشنل چیف سیکرٹری، سیکرٹری ہوم ،سیکرٹری فنانس اور آئی جی کو255 کی بجائے 146 لیٹر پیٹرول ملے گا۔
تمام انتظامی سیکرٹریز،کمشنرز اور ڈی آئی جیز کا مفت پیٹرول 200 سے کم کرکے 130 لیٹر کردیاگیاہے ، چیئرمین پبلک سروس کمیشن کو 150 کی بجائے 98 لیٹر مفت پیڑول ملے گا، ڈی سیز، اے ڈی سیز، ایس پیز کا مفت پیٹرول 160 سے کم کرکے 104 لیٹر کردیاگیاہے
ڈپٹی سیکرٹری، ایس ایز، اور ایکس سی اینز کو 85 لیٹر پیٹرول ماہانہ ملے گا،مالاکنڈ اور ہزارہ ڈویژن کے تمام اسسٹنٹ کمشنرز کا پیٹرول 350سے کم رکے 228 لیٹر کردیاگیاہے ، خیبرپختونخوا وہاس اسلام آباد کا مفت پیٹرول 1100 لیٹر سے کم کرکے 715 لیٹر کردیاگیاہے۔
