اسلام آباد 05 جولائی 2022 (ٹی این ایس): اسلام آباد-حکومت نے ملک بھر میں مزید 100 یوٹیلیٹی اسٹورز کھولنے کا فیصلہ کرلیا۔ یوٹیلیٹی اسٹورز کارپوریشن کے جنرل مینیجر کا کہنا ہے کہ کراچی، خیبر پخونخوا اور بلوچستان کے دور دراز علاقوں میں تقریبا 100 اسٹورز کھولے جائیں گے۔ جی ایم یوٹیلیٹی اسٹورز عنایت اللہ دولہ نے مزید کہا کہ وزیراعظم ریلیف پیکج کا دائرہ کار بڑھانے کا فیصلہ کیا گیا ہے جس کے لیے سمری تیار کررہے ہیں۔ بعدازاں وزارت صنعت و پیدوار سمری اقتصادی رابطہ کمیٹی کو ارسال کی جائے گی۔
