اسلام آباد : پاکستان تحریک انصاف کے چیئرمین عمران خان آج بہاولپور میں جلسہ عام اور بہاولپور بار سے خطاب کریں گے۔
تفصیلات کے مطابق پاکستان تحریک انصاف آج بہاولپور میں میدان سجائے گی، ڈرنگ اسٹیڈیم میں جلسے کے انتظامات مکمل کر لئے گئے ہیں۔
جلسے کیلئے پنڈال میں 15 ہزار کرسیاں لگادی گئیں جبکہ 40 فٹ اونچا اور 80 فٹ لمبا دو منزلہ اسٹیج تیار کیا گیا ہے۔
عمران خان کی آمد کے موقع پر زبردست انتظامات کئے گئے ہیں اور کھلاڑی کپتان کا استقبال کرنے کو تیار ہے۔
بہاولپور میں چیئرمین پی ٹی آئی عمران خان جلسہ عام سے قبل وکلا کنونشن سے بھی خطاب کریں گے۔
اس حوالے سے سنیٹر فیصل جاوید نے سماجی رابطے کی ویب سائٹ ٹوئٹر پر شکریہ گجرات!اب باری ہےبہاولپورکی، آج شام عمران خان بہالپور میں جلسہ عام سے خطاب کریں گے۔
فیصل جاوید کا کہنا تھا کہ ہماری منزل حقیقی آزادی اور منزل قریب ہے پاکستان، پوری قوم کا مطالبہ ، ملک میں نئےفوری اورشفاف انتخابات۔
