اسلام آباد ( )سی ڈی اے مزدور یونین (سی بی اے )کے جنرل سیکرٹری چوہدری محمد یٰسین کی قیادت میں وفد میں شامل مزدور یونین کے عہدیداران صدراورنگزیب خان ،چیئرمین راجہ شاکر زمان کیانی ،حاجی راجہ صابر،چوہدری طارق گجر ،چوہدری زاہد احمد ،ملک محمد اسلم،زاہد حسین بھٹی ،سردار غلام مرتضیٰ،چوہدری عابد،صفدرعباسی،گوہر الہیٰ،شفاعت اللہ،چوہدری صغیراحمد،حافظ عمران صادق،علی بہادر،سلیم بھٹی ودیگر نے دربارعالیہ حضرت کلو بابا سرکار مانسر شریف اٹک پر حاضری دی،چادرچڑھائی اور ملک و قوم اور خصوصی طورپر سی ڈی اے کی تعمیر و ترقی کے لیے دعا کی،اس موقع پر سی ڈی اے مزدور یونین کے جنرل سیکرٹری چوہدری محمد یسیٰن نے اپنے خیالات کا اظہار کرتے ہوئے کہا کہ اولیاء کرام ہماری زندگی کے لیے مشعل راہ ہیں اور انہی کے بتائے ہوئے اصولوں پر عمل پیرا ہو کر ہم بہترین زندگی گزار سکتے ہیں ،انھوں نے کہا کہ اللہ تعالیٰ کی مہربانی اورانہی بزرگ ہستیوں کے طفیل سی ڈی اے مزدور یونین نے ادارے سے سی ڈی اے ملازمین کو بے شمار مراعات دلوائیں اور انکی فلاح وبہبود کے لیے کام کیا ہے جس کی وجہ سے آج کا مزدور با شعور اور خوشحال ہواہے اور انکے حالات زندگی میں بہتری آئی ہے ،انھوں نے کہا کہ انشاء اللہ آئندہ بھی سی ڈی اے مزدوروں کی خدمت جاری رکھیں گے اور سی ڈی اے مزدوروں کے تمام مسائل ترجیح بنیادوں پر حل کروائیں گے ۔
