ممنوعہ فنڈنگ کیس میں پی ٹی آئی رہنما حامد زمان کے خلاف ایف آئی اے کی تفتیشی رپورٹ سامنے آگئی۔
تفصیلات کے مطابق تحریک انصاف کے خلاف ممنوعہ فنڈنگ کیس کے معاملے پر پی ٹی آئی رہنما حامد زمان کے خلاف ایف آئی اے کی تفتیشی رپورٹ سامنے آگئی۔
رپورٹ میں بتایا گیا ہے کہ حامد زمان نے تحریک انصاف کی لیڈر شپ سے ملکر 3 بینک اکاونٹس کھولے، انھوں نے ایک امریکی ڈالر، ایک پانڈ اور تیسرابینک اکانٹ پاکستانی کرنسی کا کھلوایا۔
ایف آئی اے رپورٹ میں کہا گیا ہے کہ پاکستان میں بینک اکاونٹ انصاف ٹرسٹ کے نام سے کھلوائے گئے، بینک اکاونٹ میں8 مئی 2013 کو 6لاکھ 25ہزارامریکی ڈالرآئے۔
رپورٹ کے مطابق اس رقم سے 3 کروڑ 60 لاکھ روپے9 مئی 2013 کو نجی کمپنی کمیونیکشن اسپاٹ کو ٹرانسفر کیے گئے جبکہ 10 مئی کو ڈھائی کروڑ روپے ایک اور نجی کمپنی کو ٹرانسفر کیے گئے۔
ایف آئی اے کا کہنا تھا کہ بیرون ملک سے آئی رقم کو تحریک انصاف کی سیاسی کمپین کے لیے استعمال کیا گیا۔
یاد رہے ایف آئی اے لاہور نے کارروائی کرتے ہوئے اپٹما نارتھ زون کے چیئرمین حامدزمان کوبھی گرفتارکرلیا تھا ، لاہور میں انصاف ٹرسٹ کے ٹرسٹی حامد زمان کیخلاف مقدمہ بھی درج ہے۔
حامد زمان بٹ کو ان کے دفتر وارث روڈ سے گرفتار کیا گیا، وہ شاہدرہ سیپی ٹی آئی کی ٹکٹ پرالیکشن بھی لڑچکے ہیں۔
