ٹیکس مقدمات، قومی خزانے کے 2 ہزار 582 ارب روپے پھنس گئے

 
0
88

اسلام آباد-ملک کی مختلف عدالتوں میں ٹیکس سے متعلق مقدمات زیرالتوا ہونے کے باعث قومی خزانے کے 2 ہزار 582 ارب روپے پھنسے ہوئے ہیں۔ ملکی عدالتوں میں ٹیکس معاملات کے حوالے سے ہزاروں مقدمات کی بھرمار ہے، جس کے باعث قومی خزانے کے کھربوں روپے پھنس کر رہ گئے ہیں۔ایف بی آر کے مطابق ملک کی مختلف عدالتوں میں 88 ہزار ٹیکس مقدمات زیرالتوا ہیں، اور ان مقدمات میں لگ بھگ 2 ہزار 582 ارب روپے کا ریونیو پھنسا ہوا ہے۔ایف بی آر نے بتایا ہے کہ ان لینڈ ریونیو سروس کے سب سے زیادہ 2333 ارب کے مقدمات زیر التوا ہیں، جب کہ کسٹمز سے متعلق 249 ارب روپے کے مقدمات عدالتوں میں ہیں۔ دستاویز کے مطابق سپریم کورٹ میں زیر التوا 4697 مقدمات کی مالیت 108 ارب روپے، اور سب سے زیادہ 67 ہزار ٹیکس مقدمات ایپلیٹ ٹریبونل میں ہیں۔