توہین الیکشن کمیشن کیس: اسد عمر کا تحریری جواب سپریم کورٹ میں جمع

 
0
86

توہین الیکشن کمیشن کیس میں پی ٹی آئی رہنما اسد عمر نے تحریری جواب سپریم کورٹ میں جمع کراتے ہوئے الیکشن کمیشن کی اپیل مسترد کرنے کی استدعا کردی۔
سپریم کورٹ میں سابق وزیراعظم عمران خان، اسد عمر اورفواد چودھری کے خلاف توہین الیکشن کمیشن کیس میں اسد عمر کی جانب سے تحریری جواب کرادیا گیا۔
اپنے تحریری جواب میں اسد عمر نے کہا کہ شوکاز نوٹس کے خلاف سندھ ہائیکورٹ سے رجوع کیا، الیکشن کمیشن کمیشن کا شوکاز نوٹس غیر قانونی اور غیر آئینی ہے، آرٹیکل 204 اعلیہ عدلیہ کو توہین عدالت کا اختیار دیتا ہے۔
اسد عمر نے کہا کہ الیکشن کمیشن عدالت نہیں،الیکشن کمیشن آرٹیکل 204 کے تحت توہین عدالت کا اختیار استعمال نہیں کر سکتا،الیکشن ایکٹ کا سیکشن 10 آئین سے متصادم ہے۔
جواب میں اسد عمر نے استدعا کی کہ الیکشن ایکٹ کا سیکشن 10 غیر آئینی قرار دیا جائے اور الیکشن کمیشن کی اپیل مسترد کی جائے۔