وزیراعلی پنجاب چودھری پرویز الہی نے جنوبی پنجاب کے تحصیل تونسہ شریف کو ضلع کا درجہ دینے کی حتمی منظوری دے دی ہے۔
وزیراعلی پنجاب چودھری پرویزالہی سے ڈیرہ غازی خان کے اراکین قومی و صوبائی اسمبلی کی ملاقات ہوئی۔ انہوں نے کہا کہ ڈیرہ غازی خان کے اراکین قومی و صوبائی اسمبلی کے مطالبے پر تونسہ کو ضلع کا درجہ کے لیے فوری اقدام کیا ہے۔
چودھری پرویز الہی نے کہا کہ اللہ تعالی کا شکر ہے کہ اب تونسہ کو ضلع کا درجہ دینے کی حتمی منظوری بھی میں نے دی ہے، چند ماہ کے قلیل عرصے میں تونسہ پانچواں نیا ضلع ہے۔
وزیراعلی کا کہنا تھا کہ قبل ازیں مری، وزیرآباد، تلہ گنگ اور کوٹ ادو کو ضلع کا درجہ دیا جا چکا ہے۔
