وفاقی وزیر داخلہ رانا ثنااللہ نے شہید عدیل حسین کی فیملی سے پولیس لائنز اسلام آباد میں ملاقات کی ،ملاقات میں شہید عدیل حسین کے والدین، بیوہ،بچے اوراسکابھائی شامل تھا،آئی جی پولیس اسلام آباد ڈاکٹر اکبر ناصر خان بھی ملاقات میں موجود تھے۔
وزیر داخلہ نے شہید عدیل حسین کی فیملی سے ملاقات میں عدیل حسین کی قربانی کو خراج تحسین پیش کیا، شہید پیکیج پیش کیا۔
کانسٹیبل عدیل حسین ایک خودکش دھماکے میں شہید ہوئے تھے جب اس نے ایک ٹیکسی کواسلام آباد داخل ہوتے ہوئیروکا تھا۔
وزیر داخلہ رانا ثنااللہ نے شہید عدیل حسین کی بیوہ کو شہید پیکیج کاایک کروڑ روپے کا چیک پیش کیا۔وزیر داخلہ نے شہید عدیل حسین کے بچوں کے گھر کیلئے مزیدسوا کروڑ روپے کی گرانٹ کااعلان کیا۔
رانا ثناء اللہ نے کہا کہ وزیراعظم شہباز شریف کی خصوصی ہدایت پرشہید عدیل حسین کی فیملی کو تاحیات ہر طرح کی سہولیات فراہم کی جائیں گی،شہید سید عدیل حسین نے اپنی جان کا نذرانہ پیش کر کے اسلام آباد کو ایک بڑے حادثے سے بچایا،شہداکے احسانات کا بدلہ نہیں چکایا جا سکتا،ہمارے شہدا پوری قوم کا فخر ہیں۔وزیرداخلہ نے کہا کہ میں عدیل حسین شہید کے ساتھ اس واقعہ میں جو جوان زخمی ہوئے ان کو بھی خراج تحسین پیش کرتا ہوں-پولیس شہدا کے ورثا کی دیکھ بھال حکومت کی ذمہ داری ہے۔ہر طرح کے وسائل یقین بنائے جائیں گے۔
