سندھ میں بلدیاتی انتخابات کے دوسرے مرحلے کے نتائج میں تاخیر پر الیکشن کمشنر سندھ نے تمام ڈسٹرکٹ ریٹرننگ افسران کو ہنگامی مراسلہ بھیج دیا ہے ۔
تفصیلات کےمطابق الیکشن کمشنر کی جانب سے جاری کیے گئے مراسلے میں کہا گیا ہے کہ سیاسی جماعتوں نے فارم 11،12 پولنگ ایجنٹس کونہ دینےکی شکایات کی ہیں،آراو کے ذریعے پریذائیڈنگ افسران کو فارم 11 ، 12 پولنگ ایجنٹس کو دینےکی ہدایت کریں
اس سے قبل امیر جماعت اسلامی کراچی حافظ نعیم الرحمان کا کہنا تھا کہ آر اوز ہمارے پولنگ ایجنٹس کو فارم 11 اور فارم 12 فراہم نہیں کر رہے، ریٹرننگ افسران نتائج کا اعلان نہیں کر رہے یہیں سے کام شروع ہو تا ہے۔
