اسلام آباد کے ایف نائن پارک میں لڑکی سے مبینہ زیادتی کے ہولناک واقعے پر اسلام آباد پولیس نے شہریوں سے اپیل کی ہیکہ وہ شام کو پارک میں روشنی والے مقامات تک محدود رہیں۔
ترجمان اسلام پولیس نے کہا ہے کہ ایف نائن پارک میں لڑکی سے مبینہ زیادتی کے واقعے کی پولیس سائنسی بنیادوں پر تفتیش کر رہی ہے، ضلعی انتظامیہ سے مل کر پارک کے سکیورٹی انتظامات کو بہتربنایا جارہا ہے۔
ترجمان کا کہنا ہے کہ شام کوپارک آنے والوں سیگزارش ہے کہ روشنی والے مقامات تک محدود رہیں اور کسی بھی ایمرجنسی میں پکار 15 پرکال کریں۔
خیال رہے کہ 2 روز قبل اسلام آباد کے ایف 9 پارک میں میاں چنوں کی رہائشی لڑکی کے ساتھ مبینہ طور پر اجتماعی زیادتی کا واقعہ سامنے آیا تھا۔
پولیس کو بیان میں متاثرہ لڑکی نے بتایا کہ دو ملزمان نے زیادتی کی، زیادتی کے بعد کپڑے دور پھینک دیے تاکہ وہ بھاگ نہ سکے، ملزمان نے زیادتی کا نشانہ بنانے کے بعد کہا شام کے وقت پارک نہ آیا کرو۔
