حکومت نے عالمی مالیاتی ادارے (آئی ایم ایف)کو راضی کرنے کے لئے عوام پر مہنگائی کا پہاڑ توڑ دیا، بجلی اور گیس سمیت متعدد اشیا کی قیمتوں میں اضافے کا فیصلہ کرلیا۔
پاکستان کے آئی ایم ایف سے مذاکرات حتمی مراحل میں داخل ہوگئے، وفاقی حکومت نے بجلی کا بنیادی ٹیرف بڑھانے کی اصولی منظوری دے دی۔بجلی کے نرخوں میں 4 سے 10 روپے فی یونٹ اضافہ متوقع ہے۔
وفاقی حکومت گیس ٹیرف بڑھانے پر بھی رضامند ہو گئی، مختلف اشیا پر جی ایس ٹی 17 فیصد اور فلڈ لیوی بھی عائد کرنے کی منظوری دے دی گئی۔
آئی ایم ایف سے پالیسی سطح کے مذاکرات کا آخری دور جمعرات تک جاری رہے گا
حکام کا کہنا ہے کہ آئی ایم ایف سخت مطالبات سے پیچھے نہیں ہٹ رہا، سخت شرائط پر عمل کرنا ہی آخری حل ہے
