پاکستان میں چائنا کلچرل سینٹر نے 2023 کے وسط خزاں کے تہوار کو منانے کے لئے آن لائن سرگرمیوں کا ایک سلسلہ شروع کیا: پاکستان اور دنیا بھر کے لوگوں کے لئے”مون منٹ ٹو ریممبر ”ان لائن سرگرمیوں کا آغاز کیا گیا ہے ۔
“چین میں گزرا میرا وسط خزاں فیسٹیول” ویڈیو سیریز اور دیگر رنگا رنگ تقریبات پاکستان میں اس سال کے وسط خزاں فیسٹیول کی تقریبات کا حصہ ہیں، جس کا اہتمام پاکستان میں چائنا کلچرل سینٹر کی جانب سے کیا جا رہا ہے۔
وسط خزاں کا تہوار ، جسے مون فیسٹیول یا مون کیک فیسٹیول بھی کہا جاتا ہے ، چینی قمری کیلنڈر کے آٹھویں مہینے کے پندرہویں دن آتا ہے ، جب چاند اپنے بھرپور عروج پر ہوتا ہے۔ اس سال فیسٹیول کا آغاز 29 ستمبر سے ہوگا اور یہ یکم اکتوبر کو چینی قومی دن کی تقریبات کے ساتھ اکتوبر تک جاری رہے گا۔
چینی ثقافت میں، وسط خزاں کا تہوار ہمیشہ دوبارہ ملنے کی علامت ہے۔ گول میزوں میں دعوتوں کا انعقاد اور پورے چاند کی تعریف کرنا اس تہوار کی نمایاں روایات ہیں کیونکہ گول شکل مکملیت اور دوبارہ ملنے کی علامت ہے۔
رواں سال کے وسط خزاں فیسٹیول کے موقع پر چینی قوم کا جشن تھیم ویڈیوز، پرفارمنسز اور دیگر مواد پاکستان میں کلچرل کونسلر اور چائنا کلچرل سینٹر کے ڈائریکٹر ژانگ ہیچنگ کے ٹویٹر، کلچرل سینٹر کے آفیشل وی چیٹ چینل کے ساتھ ساتھ پاکستان میں چائنا کلچرل سینٹر کے آفیشل فیس بک پیج پر نشر اور شائع کیا جائے گا۔
