پی ٹی آئی رہنما زلفی بخاری نے اسد عمر کے مکمل طور پر سیاست سے لاتعلقی اور پی ٹی آئی کی بنیادی رکنیت سے مستعفی ہونے کے اعلان پر اپنے رد عمل میں کہا ہے کہ ہماری سیاست ایک ایسے ذلت آمیز مرحلے پر آ پہنچی ہے کہ اسد عمر جیسے لوگ صرف اسلیے سیاست چھوڑنے پر مجبور ہیں کیونکہ وہ آئی پی پی میں شمولیت اختیار کرنے سے انکار کرچکے ہیں ۔اس سے قبل انہیں جیل بھیجا گیا اور پی ٹی آئی کے تمام عہدوں سے استعفی دینے پر مجبور کیا گیا تھا۔ اب کسی بھی سیاست دان کو فواد چوہدری کی طرح خاموش اور لاتعلق رہنے کا اختیار نہیں ہے۔آپ کو یا تو جیل اور جبری گمشدگی کا سامنا کرنا پڑتا ہے یا زبردستی آئی پی پی میں شمولیت اختیار کرنا پڑتی ہے۔ کٹھ پتلی نگران حکومتیں ہمیں تاریخ کے بدترین دھاندلی زدہ انتخابات کی طرف جاتے ہوئے خاموشی سے تماشا دیکھ رہی ہیں۔
